بودكاست المنصة

نيوزروم المنصة| ذكرى 30 يونيو.. وانتخاب "الاستقلال" في نادي القضاة

حلقة جديدة من #نيوزروم_المنصة بنناقش فيها الانتهاكات الممنهجة اللي بتواجهها الستات في غرف الولادة، بعد الأزمة اللي أثارها بوست الطبيبة والمخرجة أمنية سويدان، وبنحاول نجاوب سؤال ليه النساء مابتبلغش عن الانتهاكات دي؟ وإيه هي آليات الإبلاغ لو قرروا التصعيد؟ ودوليًا، هنقرا أبعاد اتفاق وقف الحرب اللي طال انتظاره، وهل إحنا أمام نهاية حقيقية للحرب ولا مجرد اتفاق هشّ لا هيقدم ولا يأخر، كمان بنتساءل هل دول الخليج هتدفع فعلًا قيمة التعويضات الأمريكية لإيران؟ واقتصاديًا، بنحلل أرقام الموازنة العامة الجديدة، وبنسأل ليه دعم الصحة والتعليم والأجور “محلك سر“، بينما فوايد الديون لسة بتاكل الميزانية؟

نيوزروم المنصة | انتهاك حرمة الممنوع في "الشاطبي".. وميراث نبيل الهلالي

حلقة جديدة من نيوزروم المنصة فيها خلاصة أخبار الأسبوع اللي فات. ومن وحي أزمة الطبيبة أمنية سويدان وشهادتها عن مستشفى الشاطبي، بناقش مع المخرج والكاتب باسل رمسيس ليه السلطة والمجتمع بيتحالفوا ضد النساء لما يقرروا يكسروا الصمت؟ وإزاي في لحظة بتتحول "المُبلّغة" عن انتهاكات لـ"متهمة" بتكدير الأمن العام
ونشر أخبار كاذبة؟وتزامنًا مع ذكرى رحيل "قديس اليسار" أحمد نبيل الهلالي، بنستضيف د. عمار علي حسن وبنستعرض جوانب من
سيرة "محامي الغلابة ومواجهته "ترزية القوانين والقضايا" بمنطق العدالة المجردة؟ وهل لسه فيه مكان لمدرسته في الدفاع عن الحريات النهارده؟ 

نيوزروم المنصة| انتهاكات الولادة في "الشاطبي".. ووقف الحرب.. وموازنة "فوايد الديون"

حلقة جديدة من نيوزروم المنصة بنناقش فيها الانتهاكات اللي بتواجه الستات في غرف الولادة، بعد الأزمة اللي أثارها بوست الطبيبة والمخرجة أمنية سويدان، وبنحاول نجاوب على سؤال ليه النساء بتمتنع عن الإبلاغ عن الانتهاكات دي؟ وإيه هي آليات الإبلاغ لو قرروا التصعيد؟واقتصاديًا، بنحلل أبعاد اتفاق وقف الحرب اللي طال انتظاره، وهل إحنا أمام نهاية حقيقية للحرب ولا مجرد اتفاق هشّ لا هيقدم ولا يأخر، كمان بنتساءل هل ستدفع دول الخليج قيمة التعويضات الأمريكية لإيران؟ومحليًا، بنحلل أرقام الموازنة العامة الجديدة، وبنتسأل ليه دعم الصحة والتعليم والأجور "محلك سر" بينما فوايد الديون بتاكل الميزانية؟
 
 

نيوزروم المنصة| هل يحل "بيان القصر" الحركة المدنية؟.. وسر مناكفة هشام سلام لمتابعيه

حلقة جديدة من #نيوزروم_المنصة بنستعرض فيها أهم أخبار الأسبوع، والبداية من عند الحركة المدنية الديمقراطية اللي بكره الجمعة هتشهد اجتماع مصيري لحسم مستقبلها.. هل تُحل الحركة نهائيًا، ولا هيتم إعادة هيكلتها؟ خصوصًا بعد الخلاف والهزة اللي حصلت بسبب 'بيان قصر أكمل قرطام'.
بناقش الملف ده مع ضيفنا خالد داود، المتحدث السابق باسم الحركة، وصاحب المقال التحليلي الأخير في المنصة عن الأزمة.. وبنسأله بوضوح: ليه الأزمة وصلت للدرجة دي؟ وإيه اللي خلى "جبهة الإنقاذ" تنجح في وقتها، بينما 'الحركة المدنية' بتواجه شبح الفشل رغم إن الوجوه والتشكيل تقريبًا واحد؟
كمان بنذيع في الحلقة جزء من حوارنا مع القيادي بأسطول الصمود العالمي، سيف أبو كشك بيكلمنا عن مهمة الأسطول والقبض عليه واحتجازه هو وزملاؤه في إسرائيل.
ومن كواليس السياسة لعالم الحفريات، بنستضيف الدكتور هشام سلام، مؤسس "سلام لاب" للحفريات الفقارية بجامعة المنصورة، عشان يكلمنا عن اكتشافهم الأخير لمجموعة أسماك كانت عايشة في قلب الصحراء الشرقية من 62 مليون سنة! وبنفتح معاه ملف علاقته بالسوشيال ميديا، وليه دايمًا بيحب يشتبك ويدخل في جدل مع متابعيه؟"

نيوزروم المنصة| لائحة "أمنية" لمعاملة اللاجئين.. وماذا نفعل بكل هذه "الإعدامات"؟

حلقة جديدة من نيوزروم المنصة، بنستعرض فيها أهم أخبار الأسبوع اللي فات، بما فيها قرار الحكومة الأخير بإصدار اللائحة التنفيذية لقانون لجوء الأجانب، واللي وصفها الحقوقي نور خليل، مدير منصة اللاجئين، بأنها "أمنية بامتياز".
 
اللائحة دي فرضت ضوابط مشددة على اللاجئين وطالبي اللجوء؛ من أول البصمات البيومترية اللي بتسهل تتبعهم، لفرض رقابة على أماكن سكنهم، لحد إلزامهم بالحصول على إذن مسبق قبل ما يفكروا يتنقلوا بين المحافظات.
 
بنفتح كمان ملف تقرير حقوقي صادم لـ"الجبهة المصرية لحقوق الإنسان" بيكشف إن فيه 105 تهم في القوانين المصرية نهايتها "المشنقة".
 
في الحلقة بنسأل ضيفنا أحمد عطا الله، المدير التنفيذي للجبهة: ليه عقوبة الإعدام بتتوسع بالشكل المرعب ده، وليه شايف إن الضمانات القانونية للعقوبة بتقل؟
#نيوزروم_المنصة #اللاجئين #حقوق_الإنسان
 

رامي شعث من "ضيف ماكرون" لـ"خطر أمني".. و"تقييد" عمل المصريات في الخارج

في يناير 2022، وصل الناشط الفلسطيني رامي شعث لباريس، بعد محاولات وضغوط فرنسية قادها الرئيس إيمانويل ماكرون بنفسه عشان يخرج من السجن في مصر بعد سنتين ونص حبس احتياطي. النهارده، وبعد 4 سنين من التاريخ ده، رامي بيواجه خطر الترحيل من فرنسا بتهمة "تهديد الأمن العام"! السؤال اللي بيفرض نفسه: مين اللي اتغير؟ فرنسا ولا رامي؟في حلقة النهارده من نيوزروم المنصة، رامي شعث ضيفنا عشان يحكيلنا تفاصيل "الخطر" اللي بيواجهه في فرنسا بسبب مواقفه وأنشطته ضد إسرائيل، وإيه آخر تطورات أزمته هناك.محليًا، هنناقش ملف سفر النساء.. بنستضيف الكاتبة والباحثة النسوية أميمة عماد، عشان نناقش مقالها الأخير في المنصة اللي بتقدم فيه نقد لقرار الدولة بتقييد سفر النساء للشغل بره في وظائف معينة، بدعوى "الحماية والحفاظ على الكرامة".

نيوزروم المنصة| هل كسرت شركات التكنولوجيا ظهر التنظيم العمالي؟.. ومصير آثارنا المنهوبة في فرنسا

حلقة جديدة وخاصة من نيوزروم المنصة في شهر عيد العمال.. بنسأل فيها الأستاذ المساعد للعلوم السياسية بالجامعة الأمريكية بالقاهرة عمرو عادلي: ليه حقوق العمال مش بتتحقق؟ وهل الظروف العالمية بقت هي العائق قدام مصلحتهم؟ وإزاي شركات التكنولوجيا والـ Apps العالمية قدرت تسيطر وتكسر قدرة العمال على التنظيم، خصوصًا العمالة غير الرسمية اللي بالملايين؟
وكمان بنفتح ملف الآثار المصرية المنهوبة في حوار خاص مع عالمة المصريات مونيكا حنا، اللي بتكلمنا عن كواليس القانون الفرنسي الجديد لرد الآثار، وبتفجر مفاجأة مهمة عن مصير قطعنا المصرية المعروضة في فرنسا.

نيوزروم المنصة | وقف الحرب.. هدنة هشة أم مدخل لمفاوضات حقيقية؟

كل اللي تابع القصف الإسرائيلي العنيف على لبنان إمبارح، أكيد أحزنه حجم الدمار والبنايات المتهدمة وأعداد الضحايا والمصابين، خصوصًا إن ده بيحصل في أول أيام تفعيل قرار وقف إطلاق النار في الحرب الأمريكية الإسرائيلية على إيران وحلفائها!
عشان كده، بنسأل في حلقة النهاردة من نيوزروم المنصة، في حضور الكاتب الصحفي خالد داود، بخبرته كمراسل لسنوات طويلة في أمريكا، والباحث والصحفي المتخصص في الشأن الإيراني محمد خيري:
هل إحنا قدام هدنة حقيقية ولا مجرد محاولة لالتقاط الأنفاس؟إيه هو مستقبل العلاقات الأمريكية الإيرانية والإيرانية الخليجيةوهل فعلًا إحنا قدام حدث مفصلي هيغيّر شكل المنطقة بالكامل؟

نيوزروم المنصة| قانون إسرائيل لإعدام الأسرى.. وأرباح التطوير العقاري من الحرب

حلقة جديدة من نيوزروم المنصة، هيكلمكم فيها الكاتب الصحفي محمد بصل، عن قانون إعدام الأسرى الفلسطينيين، إزاي تم اقتراحه قبل 10 سنين وليه اتمرر دلوقتي بالذات؟ وأهم بنوده وإزاي هيتم تنفيذه؟.. واقتصاديًا هتكملكم الباحثة نورهان فهمي عن الأزمة العقارية وتأثرها بالحرب، من واقع قصتها الصحفية الأخيرة عن تحليل بيانات شركة طلعت مصطفى وإزاي شركات التطوير العقاري كسبت من الحرب.

حين قُتِلَ الورد.. 10 سنوات على ذكرى شيماء الصباغ

في 24 يناير 2015، قتلتْ قواتُ الأمن متظاهرةً سلميةً كانت تحمل الورود خلال مشاركتها في تظاهرة لإحياء ذكرى شهداء ثورة يناير 2011، فأصبحت هي أيضًا شهيدة، وتحوّلت لأيقونةٍ للثورة المصرية. في هذه الحلقة نحيِّي شهيدة الورد شيماء الصباغ في ذكراها العاشرة، ونسترجع الحادث مع ابنها بلال، وزوجها أسامة، وصديقتها ماجدة، وعزة سليمان التي ذهبت إلى النيابة كشاهدة عيان فصارت متهمة؛ نتعرف عليها أكثر من أسرتها ومحبيها، نرى أثر غيابها عليهم، ونتساءل بعد 10 سنوات من مقتلها و14 سنة من الثورة المصرية، هل تحققت العدالة لها ولمصر؟--إعداد وتقديم وتصميم صوتي ومونتاج: هدير المهدويميكساج: إيناس مرزوقإنتاج المنصة--مصادر:الصورة الأصلية للتصميم من تصوير إسلام أسامة،الوقفة النسائية بميدان طلعت حرب للتنديد بمقتل شيماء الصباغ من ElWatanTV على يوتيوب،صوت هتاف شيماء الصباغ من فيديو لها في مسيرة حَصلنا عليه من الأسرة،أغنية "بقسماط" من كلمات شيماء الصباغ وتلحين وغناء محمد حسني.